वार्षिक उत्सवमा आफ्नाे एफएमद्वारा विरामीलाई फलफूल, विपन्नलाई आर्थिक सहयाेग

नागरिक मिडिया

२०८१ माघ १५, मंगलबार मा प्रकाशित २ दिन अघि

ओखलढुंगा- आफ्नो एफएमले १७ औँ वार्षिकोत्सवको अवसरमा अस्पतालका विरामीलाई फलफूल वितरण गरेकाे छ । ओखलढुंगा सामुदायिक अस्पतालका विरामी र  कारागारका कैदीबन्दीलाई पनि फलफूल वितरण गरेकाे हाे ।

हरेक बर्ष बार्षिकोत्सवको अवसरमा सामाजिक काम गर्दै आएको एफएमले मंगलबार जिल्ला कारागार ओखलढुंगाका ७१ जना पुरुष र आठ जना कैदीबन्दी गरि कुल ७८ जना र अस्पतालमा उपचाररत ४० जना बिरामीलाई फलफूल वितरण गरेको आफ्नो एफएमका श्टेशन म्यानेजर बिनुमाया राईले जानकारी दिइन् ।

सिद्धिचरण नगरपालिका–११ सोब्रुमा बस्ने उदयपुरका दुई दुई बालबालिकालाई नगद १० हजार सहयाेग गरेकाे छ । उनीहरु सगरमाथा जनता माध्यमिक विद्यालयमा अध्ययनरत छन् । साथै मेरुदण्ड पीडित सामुदायिक अस्पतालमा उपचाररत आर्थिक अवस्था  नाजुक भएका एक पुरुषलाई दुई हजार रुपै‌ंया प्रदान गरिएको छ ।

वार्षिकोत्सवको अवसरमा आयोजित सहयोगको कार्यक्रममा संविधानसभा सदस्य यज्ञराज सुनुवार, सिद्धिचरण नगरपालिकाका उप–प्रमुख केदारबाबु बस्नेत, पत्रकार महासंघ जिल्ला शाखा ओखलढुंगाका उपाध्यक्ष रविन श्रेष्ठ, ओखलढुंगा सामुदायिक अस्पतालका निर्देशक डा. रोशन खरेल, अस्पतालका कर्मचारी लगायतले शुभकामना व्यक्त गरे ।

सामुदायिक रेडियो आफ्नो एफ एम १०४.८ मेघाहर्ज ओखलढुंगामा २०६५ साल माघ १५ गते जिल्लामा स्थापना भएको थियाे