काठमाडौं- सत्तारुढ नेपाल कम्युनिस्ट पार्टी (नेकपा) को स्थायी कमिटी बैठक दुई दिनका लागि स्थगित भएको छ । आजै २ पटक स्थगन भएकाे बैठक अरु २ दिन पछि धकेलिएकाे हाे ।
पार्टी अध्यक्ष पुष्पकमल दाहाल प्रचण्ड राष्ट्रपति विद्यादेवी भण्डारीलाई भेटेर फर्किएपछि बिहीबार दिउँसो बैठक सुरु भएको थियो । तर लगत्तै पर्सि शनिबार विहान ११ बजे बस्ने गरी बैठक स्थगित भएको छ ।
केही समय चलेकाे बैठकमा प्रधानमन्त्री तथा अध्यक्ष ओलि सहभागी थिएनन् ।दिउँसाे १२ बजे बाेलाइएकाे स्थायी कमिटी मन्त्री परिषद् बैठकका कारण स्थगित भयाे । अपराह्न बाेलाएकाे बैठकमा पनि प्रचण्डले केही ब्रिफिङ् गरेर बैठक स्थगन गरे ।
यसले धेरैलाई आश्चर्यमा पारेकाे छ ।ओलि राष्ट्रपति भेटेर संसद अधिवेशन अन्त्य गर्ने, प्रचण्ड स्थायी कमिटी स्थगन । नेकपा बृत्तमा यसले राष्ट्रपतिकाे भूमिकालाई लिएर बहस पनि शुरु हुने देखिएकाे छ ।
याे किन भइरहेकाे भन्ने बारे धेरै आंकलन भइरहे पनि नेकपाका एक नेताका अनुसार अब स्थायी कमिटी बैठकअघि शुक्रबार नेकपा अध्यक्षद्वय प्रधानमन्त्री केपी शर्मा ओली र प्रचण्डबीच छलफल हुन्छ । नेताहरुका अनुसार समहति खाेज्न याे समय उपयाेग हुनेछ ।
प्रतिक्रिया दिनुहोस