संसदीय निर्वाचन आगामी मंसिर २ कि ५ गते ? यस्ताे आयाेगकाे तयारी

नागरिक मिडिया

२०७९ अषाढ २२, बुधबार मा प्रकाशित २ साल अघि

काठमाण्डाैं-  संसदीय निर्वाचन मंसिर २ वा ५ गतेमध्ये एक दिन  गर्न सरकारलाई सिफारिस गर्ने  निर्वाचन आयोगको तयारी छ । यसबारे आयाेगले आज प्रधानमन्त्रीको समय लिएर भेट गर्ने जनाइएकाे छ ।

१२० दिन समय राखेर अबको एक साताभित्रै वा त्यसपछि मन्त्रिपरिषद् बैठक बसेर निर्वाचन मिति घोषणा गर्न सकिने आयोगको सुझाव छ ।

आयोगले एकै चरणमा संघीय र प्रादेशिक तहको निर्वाचन गर्नेगरी सिफारिस तयार पारेको पनि बताइएको छ । भर्खरै सकिएको स्थानीय तहको चुनाव देशैभर एकैपटक गराउन सकिएको भन्दै प्रदेश र संघको चुनाव पनि एकै दिन गर्नका लागि आयोगले मिति सिफारिस गर्न लागेको हो ।

यसअघि २०७४ मंसिरमा दुई चरणमा दुवै तहको निर्वाचन सँगसँगै भएको थियो ।