फरार सूचिका एमाले उम्मेदवार विष्ट घरदैलाेमा व्यस्त, प्रहरी भन्छ खाेजी हुन्छ

साेमबार टारकेराबारीमा बालकृष्ण ढुंगेलका साथ अध्यक्षका प्रत्यासी विष्ट तथा अन्य नेताहरु ।

नागरिक मिडिया

२०७९ बैशाख २१, बुधबार मा प्रकाशित २ साल अघि

ओखलढुंगा- स्थानीय तह निर्वाचन २०७९ का लागि लिखु गाउँपालिका अध्यक्षका उम्मेदवार मिलनकुमार विष्ट विरुद्ध पक्राउ पुर्जी जारी भएर प्रहरी सूचिमा फरार अभियुक्त छन् ।

उनलाई एमालेले उम्मेदवार बनाएर भाेट माग्न हिडिरहेकाे छ । प्रहरीले दाेहाेराे नागिरकता र बैंकिङ कसुरमा खाेजी गरिरहेकाे र निज फरार रहेकाे जनाएकाे छ । जिल्ला प्रहरी कार्यालय ओखलढुंगाका डिएस्पी सुकदेव खनालले अभियुक्त फरार रहेकाे बताए । उनले कानुन कार्यन्वयन हुने पनि बताए पनि वारेन्ट जारी भएर फरार भनिएका अभियुक्त खुलेआम भाेट माग्न व्यस्त छन् ।

प्रहरीले फरार भने पनि एमाले नेताहरु बालकृष्ण ढुंगेल, नानीबाबु बुढाथाेकी, शेखर भट्टराई, प्रेमप्रसाद भट्टराई लगायतले उम्मेदवार विष्टलाई लिएर चुनाव प्रचार अभियानमा जुटेका छन् । उनी  बुधबार लिखु गाउँपालिकाकाे गाम्नाङटारमा घरदैलाे सहभागी थिए । साेमबार टारकेराबारीमा सभामा सहभागी थिए ।

वडा वडाका चुनावी कार्यक्रम शुरु भएका एमाले लिखुका ईञ्चार्ज प्रेम प्रसाद भट्टराईले बताए । उनले बुधबार गाम्नाङटारमा कार्यक्रम सकेर अरु वडाका लागि उम्मेदवारहरु घरदैलाेमा जुटेकाे बताए ।