सुनकाेसीका ५ वडामा अध्यक्षका उम्मेदवार सर्वसम्मत, १० नम्बर विवादित

पालिका तथा अन्य वडाकाे चाँडै चयन हुने बताइएकाे छ । पालिका अध्यक्षमा सुनिल खड्का निश्चित जस्तै छन् । खड्का युवामाझ लाेकप्रिय भएकाले उनी बलिया दावेदार रहेकाे नेताहरु बताउँछन् । यस अघि याे पालिकाका अध्यक्ष तथा उपाध्यक्ष काँग्रेसले जितेकाे थियाे ।

वडा अध्यक्ष चयनका क्रममा पार्टी प्रवेश कार्यक्रमले सुनकाेसी १० मा भने तीव्र विवाद चर्किएकाे छ । माओवादी केन्द्रका पालिका अध्यक्ष छवि धमलालाई नेताहरुले वडा अध्यक्षकाे टिकट सुनिश्चित गरेर प्रवेश गराएकाे चर्चा सँगै एमालेमा विवाद शुरु भएकाे हाे ।

स्थानीय कमिटीले यस अघि सिफारिस भएकामध्येबाटै उम्मेदवार चयन हुनुपर्ने, पद दिएर पार्टी भित्र्याउन नहुने भन्दै विराेध जनाएका छन् ।

टिकटमा सम्झाैता भएकाे भए विद्राेह हुने भन्दै नेतृत्व तहलाई सामाजिक सञ्जाल तथा प्रत्यक्ष भेटेर वडाका नेताहरुले आप्पति जनाएका छन्  । नेतृत्व तहमा सहमित भएर टिकट दिने निश्चित गरेर पार्टी प्रवेश गराएकाे चर्चापछि वडाले सिफारिस गरेका नेताबाहेक माथिबाट टिकट दिएर पठाए वडामा विद्राेह हुने वडा कमिटीका नेताहरुले चेतावनी दिएका छन् ।

वडा ९ मा वर्तमान वडा अध्यक्ष झनक कार्की र हितराज कार्कीकाे चर्चा छ । झनक वहालवाला वडा अध्यक्ष हुन् भने कार्की सामाजिक क्षेत्रमा काम गरेर पार्टीकाे पालिका कमिटीमा सह ईञ्चार्जका रुपमा काम गर्दै आएका छन् ।

यी हुन् सर्वसम्मत अध्यक्षका उम्मेदवार