बोलेरो दुर्घटनामा दुईजनाको मृत्यु

नागरिक मिडिया

२०७८ चैत्र ३०, बुधबार मा प्रकाशित २ साल अघि

ओखलढुंगा– मानेभन्ज्याङ गाउँपालिका ६ स्थित हिलेपानी नजिकै भँडारेखोलामा बुधबार बिहान ९:३० बजेको समयमा बोलेरो दुर्घटना हुँदा २ जनाको मृत्यु भएको छ । ७ जना घाईते भएका छन् । ७ मध्ये चारजनाको अवस्था गम्भीर रहेको प्रहरीले जनाएको छ ।

बा १७ च १०९४ नम्बरको बोलेरो सोलुखुम्बुबाट प्रदेश १ स्थित विराटनगर हिँडेको थियो । घटनामा सवारी चालक बाहेक ८ जना प्रहरीहरु रहेको जिल्ला प्रहरीका प्रहरी निरिक्षक लंक श्रेष्ठले बताए । बोलेरो सडकदेखि अन्दाजी सय मीटर तल खसेको प्रहरीले जनाइएको छ । घटनामा मृत्यु भएका र घाईतेहरुको पूर्ण विवरण आउन समय लाग्ने घटनास्थलमै रहेका जिल्ला प्रहरी कार्यालय ओखलढुंगाका डिएसपी सुकदेव खनालले बताए ।

जनसेवा अस्पताल घुर्मी र आस्था अस्पताल उदयपुरको घुर्मीमा घाईतेहरुको उपचार भईरहेको छ । गम्भीर घाईतेहरुलाई उपचारका लागि हेलिकप्टर मार्फत काठमाडौं लाने तयारी भईरहेको छ ।