किन प्रवेश गरे खड्ग कार्की एमालेमा ?

एमाले प्रवेश गरेका माओवादी केन्द्र चम्पादेवीका पालिका कमिटी अध्यक्ष कार्की ।

नागरिक मिडिया

२०७८ चैत्र २६, शनिबार मा प्रकाशित २ साल अघि

ओखलढुंगा- चम्पादेवी गाउँपालिकामा माओवादी केन्द्रका गाउँपालिका अध्यक्ष खड्गबहादुर कार्की एमालेमा प्रवेश गरेका छन् ।

माओवादी केन्द्र ओखलढुंगाका प्रभावशाली नेताका रूपमा रहेका कार्की सहित चम्पादेवीमा एक दर्जन माओवादी कार्यकर्ता एमाले प्रवेश गरेका हुन् ।

२०४९ सालको स्थानीय निकायको निर्वाचनमा साबिक फूलबारी गाविसका उपाध्यक्ष र २०५४ सालमा अध्यक्ष पदमा नेकपा एमालेको तर्फबाट विजयी भएका थिए ।

एमाले माओवादी गठबन्धनकाे वकालत गर्दै आएका कार्की माओवादी केन्द्र सत्तारुढ गठबन्धन बाहिर नरहने निश्चित भएपछि कार्की एमाले छिरेका हुन् । उनी अध्यक्षका दावेदार हुन् । एमाले उनलाई टिकट दिने गरि ल्याइएकाे चर्चा छ ।

कार्यकर्ता तहमा भने चर्काे असन्तुष्टि देखिएकाे छ । एमाले भित्रै उम्मेदवार उकिन गर्न नसकेकाे अवस्थामा कार्कीकाे प्रवेशले पालिका अध्यक्षका दावेदाहरु झस्केका छन् ।