एमालेका राजन समाजवादीमा, युवा संघ लिखुकाे कमाण्डर ताेकिए

नागरिक मिडिया

२०७८ चैत्र २३, बुधबार मा प्रकाशित २ साल अघि

ओखलढुंगा- लिखु गाउँपालिकाका एमाले नेता एकिकृत समाजवादीमा प्रवेश गरेका छन् । लिखु गाउँ पालिका वडा नम्बर ७ निवासी राजन बस्नेत  नेकपा एमाले परित्याग गरि नेकपा एकीकृत समाजदीवादीमा प्रवेश गरेका हुन् ।

एक कार्यक्रमका वीच जिल्ला कार्यालयमा  नेकपा एकीकृत समाजवादीका केन्द्रिय सदस्य नेत्र भट्टराईले उनलाई पार्टीमा स्वागत गरे । उनी एमालेका सक्रिय कार्यकर्ता तथा वडा नं ७ मा प्रभाव राख्ने युवा थिए ।

पार्टी प्रवेश गरे लगत्तै बस्नेतलाई युवा संघ नेपाल ओखलढुंगाकाे सह-सचिव र  लिखु गाउँपालिका संयोजकको जिम्मेवारी समेतदिइएको  छ।  बस्नेतले आगामी दिनमा पार्टी प्रति पूर्ण वफादार रही आफुले पाएको जिम्मेवारी पुरा गर्ने बताए ।

उनले एमालेबाट परिवर्तन संभव नभएकाे र एमाले दलाल पूजीवादकाे चंगुलमा फसेकाले देशकाे नेतृत्व अव कलमबाट क्रान्ति गरेर समाजवादीले लिनु पर्नेमा जाेड दिएकाे युवा संघका जिल्ला अध्यक्ष मनाेज मरले बताए ।