अपडेट: थप २ संक्रमितकाे मृत्यु, अस्पतालमा मृत्यु हुनेको संख्या ५ पुग्यो

नागरिक मिडिया

२०७८ जेष्ठ १५, शनिबार मा प्रकाशित ३ साल अघि

लिला सुनुवार/ओखलढुंगा-  ओखलढुंगामा कोरोना संक्रमणका कारण थप २ जनाको मृत्यू भएको छ ।  सामुदायिक मिसन अस्पतालमा उपचार गराई रहेका दुबै  संक्रमितको आज शनिबार  बिहान ७ बजेर २० मिनेट जादा मृत्यु भएको सामुदायिक अस्पतालका मेडिकल अधिकृत कपिल दानीले बताएका छन ।

मृत्यु हुनेमा खिजीदेम्बा गाँउपालिका वडा नम्वर २ का ४५ बर्षीय पुरुष र सिद्धिचरण नगरपालिका ६ का ५८ बर्षीय पुरुष रहेका छन् । खिजीदेम्वाका पुरुषमा काेराेना पुष्टि भएपछि मंगलबार उपचारका लागि अस्पताल आएका थिए भने सिद्धिचरणका पुरुष बुधबार अस्पतालमा आएर जाँच गर्दा काेराेना देखिएकाे थियाे ।

यो सँगै जिल्लामा कोरोना संक्रमणका कारण ज्यान गुमाउनेको संख्या ५ पुगेको छ । एक जना भने साेलुबाट उपचारका लागि अस्पताल आएका व्यक्ति हुन् ।