ओखलढुंगा: दैनिक थपिदै संक्रमित, शनिबारसम्ममा ४७ पुगे

नागरिक मिडिया

२०७८ जेष्ठ १, शनिबार मा प्रकाशित ३ साल अघि

ओखलढुंगा-  जिल्लामा आज शनिबार एन्टिजेन परीक्षणबाट २ जना कोरोना संक्रमित थपिएका छन् । दुवै संक्रमित सिद्धिचरण नगरपालिका वडा नं १२ का रहेका छन् ।

आज भेटिएका दुवै जना २४ वर्ष र ४५ वर्षका पुरुष भएको स्वास्थ्य कार्यालय रुम्जाटारका प्रमुख समुन तिवारीले जानकारी दिए । तीमध्ये एकजना सिभिल बैंकका कर्मचारी रहेको जनाइएको छ ।

हिजाे १३ जनामा संक्रमण देखिएकाे थियाे । ९२ जनाकाे पिसिआरकाे नतिजा आउन बाँकी छ । याे सँगै जिल्लामा संक्रमित हुनेकाे संख्या ४७ पुगेकाे छ ।