थप १०४१ मा संक्रमण पुष्टि, उपत्यकामा मात्र ४०८, ९ जनाको मृत्यु

सांकेतिक तस्वीर, साभार: अन्नपूर्ण अनलाइन

नागरिक मिडिया

२०७७ भाद्र २०, शनिबार मा प्रकाशित ४ साल अघि

काठमाडौं- पछिल्लो २४ घण्टामा १०४१ जनामा कोरोना भाइरस (कोभिड-१९) को संक्रमण पुष्टि भएको छ । देशभरको प्रयोगशालामा १२ हजार ४७५ नमुना परीक्षण गर्दा ३४९ महिला र ६९२ पुरुषमा संक्रमण पुष्टि भएको हो ।

काठमाडौं उपत्यकामा मात्र ४०८ जना छन् । मन्त्रालयका अनुसार २४ घण्टामा १५ सय ६६ जना डिस्चार्ज भएका छन्। योसँगै कुल डिस्चार्ज हुनेको संख्या  २७ हजार १२७ पुगेको छ। यो कुल संक्रमितको ६० प्रतिशत हो।

२४ घण्टामा कोरोनाले ९ जनाको मृत्यु भएको छ । योसँगै नेपालमा कोरोनाले मृत्यु हुनेको संख्या २८० पुगेको छ ।