ओखलढुंगा: ४ प्रहरी र १ स्वास्थ्यकर्मीसहित ५ जनामा काेराेना स‌ंक्रमण

शिवप्रसाद ढुङ्गाना

२०७७ भाद्र १७, बुधबार मा प्रकाशित ४ साल अघि

ओखलढुंगा- ओखलढुंगामा एकजना स्वास्थ्यकर्मीसहित ५ जनामा कोरोना पुष्टि भएको छ । आज रिपोर्ट आएको १ सय ४ मध्ये ५ जनामा कोरोना पुष्टि भएको हो ।

कोरोना पुष्टि भएकी स्वास्थ्यकर्मी मानेभञ्ज्याङकाे हर्कपुर हेल्थडेक्समा कार्यरत रहेकी थिइन् । यस्तै ४ जना प्रहरीमा पनि संक्रमण पुष्टि भएको छ ।

उनीहरू मानेभञ्ज्याङ प्रहरी चौकीमा कार्यरत रहेको सहायक प्रमुख जिल्ला अधिकारी तुलसी भट्टराईले जानकारी  दिए । यस अघि संक्रमित प्रहरीसँग सम्पर्कमा रहेका उनीहरुलाई काेराेना संक्रमण देखिएकाे हाे । उनीहरु ड्यूटीमा भने थिएनन् ।

स्वास्थ्यकर्मीमा समेत देखिएपछि कन्ट्रयाक ट्रेसिङकाे काम थालिएकाे भट्टराईले बताए ।