भारी वर्षाले बाढी पहिराेकाे त्रास, ओखलढुंगाका कुन कुन क्षेत्रका कति घरधुरी जाेखिममा ?

देशभर विभिन्न स्थानमा बाढी पहिराेले पुर्याएकाे क्षति । तस्वीर: उज्यालाे अनलाइन

शिवप्रसाद ढुङ्गाना

२०७७ श्रावण १३, मंगलबार मा प्रकाशित ४ साल अघि

ओखलढुंगा-  साेबारदेखि लगातार परिरहेकाे झरिका कारण बाढी पहिराेकाे जाेखिम बढेकाे छ भने ग्रामीण भेगका सडक अबरुद्ध भएका छन् । भारी वर्षाले बाढी पहिराे जाने र जाेखिममा रहेका वस्ती असुरक्षित बन्न थालेका छन् ।

विपद् व्यवस्थापन समिति ओखलढुंगाले  बाढी तथा पहिराेबाट अति जोखिम क्षेत्रको पहिचान गरेकाे छ । जस अनुसार जिल्लाका ६ सय १५ घर उच्च जाेखिमम रहेका छन् ।  जथाभावी सडक निर्माण, पुराना पहिराे नियन्त्रणमा नआएका लगायत कारणबाट जाेखिम वर्षेनि बढेकाे हाे ।

स्थानीयलाई सतर्क रहन र कुनै जाेिखम देखिएमा प्रहरी तथा जिल्ला प्रशासनलाई जानकारी गराउन जिल्ला विपद् व्यवस्थापन समितिले आग्रह गरेकाे छ ।

यी हुन्, बाढी तथा पहिरोबाट उच्च जोखिममा रहेका क्षेत्र तथा घरधुरी

पहिरोबाट जोखिम

१. सिद्धिचरण नपा वडा नं. १, ७ र ८ र १०, घरधुरी संख्या- ११०
२. चिशंखुगढी वडा नं. १,२,६,७ र ८, घरधुरी संख्या- १७८
३. मोलुङ गापा वडा नं. ३, ५ र ६ ,घरधुरी संख्या- १०८
४. खिजीदेम्वा गापा वडा नं. १ र ६, घरधुरी संख्या- १३
५. लिखु गापा वडा नं. ६, घरधुरी संख्या- १६
६. चम्पादेवी गापा वडा नं. १, घरधुरी संख्या- ७
७. सुनकोसी गापा वडा न.ं १ र ३, घरधुरी संख्या- ८८
८. मानेभञ्ज्यांग गापा वडा न.. २, ३, ४, ६ र ९, घरधुरी संख्या- ९५