चिशंखुगढी तेस्राे ‘अध्यक्षकप’ फागुन १४ देखि हुने

नागरिक मिडिया

२०८१ माघ १५, मंगलबार मा प्रकाशित १ दिन अघि

ओखलढुंगा- चिशंखुगढी गाउपालिकाले अन्तरपालिका स्तरीय दोस्रो खुला पुरुष भलिवल प्रतियाेगिता आयोजना गर्दैछ । ‘अध्यक्ष कप’ नामाकरण गरिएको सो प्रतियोगिता फागुन १४ गतेबाट शुरु हुनेछ ।

२०७६ सालबाट शुरु भएकाे अध्यक्षकप काेराेना संक्रमणका कारण दुई बर्ष राेकिएकाे थियाे । अध्यक्षकप काे तेस्राे संस्करण फागुन १४ बाट शुरु हुने गाउँपालिका अध्यक्ष निशान्त शर्माले बताए । खेल महेश्वर मावि भदाैरेकाे खेल मैदानमा हुनेछ ।

चिशंखुगढी गाउँपालिकाको आयोजनामा हुने साे प्रतियाेगितामा देशभरका स्थानीय तहका टिम सहभागी हुन पाउने तथा अन्तर्राष्ट्रिय खेल खेलेका खेलाडिहरु भने सहभागी हुन नपाउने बताइएकाे छ ।

प्रतियोगिताका विजेताले २ लाख २२ हजार २ सय २२,  उप विजेताले १ लाख ५५ हजार ५ सय ५५  र तेस्राे स्थान हासिल गर्ने टिमले १ लाख १ सय ११ रुपैँया नगद पुरस्कार पाउनेछन् ।  त्यस्तै सान्त्वना पुरस्कार ५५ हजार ५ सय ५५ तथा  शिल्ड, मेडल र प्रमाणपत्र रहेकाे छ ।