नागरिक मिडिया
ओखलढुंगा- माया प्रेममा आधारित रहेर तयार गरिएको ‘आउ घुम्न ए माया ओखलढुंगामा’ म्युजिक भिडियो सार्वजनिक भएको छ । म्युजिक भिडियोका निर्माता हेमकुमारी राजभण्डारी (मञ्जु) को जन्मदिनको अवसर पारेर गीत र भिडियो सार्वजनिक भएको हो ।
ओखलढुंगाका पर्यटकीय ठाउँ चिनाउने उद्देश्यले गीतको रचना रमेश श्रेष्ठले गरेका हुन् । गीतमा अहिलेकी युवापुस्ताकी चर्चित गायिक रचना रिमाल र मनिष पीएमले स्वर दिएका छन् ।
गीतको संगीत गायक मनिष पीएम र एरेन्ज बुद्ध स्याङ्बाले गरेका हुन् । गीतमा पवित्रा गुरुङ, रमिला मगर र झङ्कार मगरले कोरस गायन गरेका छन् भने गीत बुद्धस स्टुडियो पुतलीसडकमा रेकर्डिङ गरिएको हो ।
सार्वजनिक भएको म्युजिक भिडियोमा सलिना मगर, एन्जल मगर, देविका मगर, करुणा मगर र मिलन मगरले अभिनय गरेका छन् । भिडियोको छायांकन, सम्पादन तथा निर्देशन ओखलढुंगाखबरबाट भएको हो ।
‘गीतको माध्यमबाट थोरै भएपनि ओखलढुंगा चिनाउन सकिन्छ कि भन्ने उद्देश्यले गीत लेखेको थिएँ,’ वैदेशिक रोजगारीमा रहेका गीतका रचनाकार रमेश श्रेष्ठ भन्छन्, ‘त्यसैलाई अहिले म्युजिक भिडियोको रुपमा ल्याइएको हो ।’
बाईलाईन मिडिया प्रा.लि.द्धारा सञ्चालित
नागरिक मिडिया डट कमका लागि
प्रधान सम्पादक : सीपी ढुंगाना
कम्पनी दर्ता नम्बर: २३८४७९/२०७७-०७८
स्थायी लेखा नं: ६०९७८२८७५
केन्द्रीय कार्यालय:
सिद्धिचरण नगरपालिका ११, ओखलढुंगा ।
९८४२९३९८४४
काठमाडौं
वेब ठेगाना:- nagarikmedia.com
प्रतिक्रिया दिनुहोस