अर्जुन गुरुङकाे ‘तिम्रो तस्बिर बोल्दै बोल्दैन’काे चर्चा

ओखलढुंगा- लामाे समयदेिख नेपाली लोक तथा दोहोरी गीत-संगीतको क्षेत्रमा क्रियाशिल सर्जक अर्जुन गुरुङ्गले भर्खरै आफ्नो पछिल्लो गीत “तिम्रो तस्बिर बोल्दै बोल्दैन” बजारमा ल्याएका छन् ।

उनले निकै गीत-संगीत बजारमा ल्याएर श्रोता तथा दर्शकहरुको मन जितिसकेका छन् । प्राय:जसो परदेशको बसाइमा रहने अर्जुन यस पटक भने स्वदेश फर्किएको अवसर पारेर यस गीतलाई सार्वजनिक गरेका हुन् । प्रस्तुत गीतमा लय तथा शब्द सिर्जना अर्जुन स्वय‌ंकै रहेको छ भने स्वर अर्जुन कुँवर र सिमा नेपालीको सुन्न सकिन्छ ।

जु जु गुरुङ्गको संगीत संयोजनमा तयार भएको गीतलाई मालिका रेकर्डिङ  स्टुडियोमा रेकर्ड गरिएको हो । स्वर, शब्द र लयको संयोजन निकै दमदार रहेको यस गीतलाई वियोगान्त भावमा तयार पारिएको छ । “तिम्रो तस्बिर बोल्दै बोल्दैन” बोलको गीतको म्युजिक भिडियोमा अर्जुन कुँवर र जुना गुरुङ्गको जीवन्त अभिनय देख्न सकिन्छ ।

भिडियोलाई अर्जुन गुरुङ कै परिकल्पनामा तयार पारिएको हो । भिडियोलाई निर्देशन बबिता श्रेष्ठ मलेकु ले निर्देशन गरेकी हुन् भने छायांकन उत्तम हुमागाईं र सम्पादन मिन रावलले गरेका छन् ।  अर्जुन दृष्टि नामको युट्युब च्यानल मार्फत सार्वजनिक गरिएको छ ।

भिडियाे हेर्नुहाेस्