यी युवाहरुले सफा गरे काँग्रेस अधिवेशनस्थलको फोहोर (फाेटाे फिचर)

नागरिक मिडिया

२०७८ मंसिर ९, बिहिबार मा प्रकाशित ३ साल अघि

ओखलढुंगा– नेपाली काँग्रेसको १४ औं महाधिवेशन अन्तर्गत ओखलढुंगामा भएको अधिवेशन स्थलको फोहोर केही युवाहरुले मिलेर सफा गरेका छन् । सगरमाथा जनता माविको खेलमैदान काँग्रेस अधिवेशनको कारण फोहोरले भरिएको थियो ।

अधिवेशनको प्रचारसामाग्री र पानीका बोतलहरुले कुरुप बनेको खेलमैदान युवाहरुले बिहिबार सफाई गरेका हुन् । सफाईमा काँग्रेस निकट र स्वतन्त्र युवाहरुको सहभागिता रहेको थियो । उनीहरुले यो सफाई कुनै राजनीतिक भातृसंस्था मार्फत नभएर स्वतन्त्र रुपमा साथीभाई मिलेर गरिएको बताए ।

युवाहरुको सफाई कार्यक्रम अत्यन्तै राम्रो भएको भन्दै स्थानीय र सगरमाथा जनता माविका शिक्षकहरुले प्रशंसा गरेका छन् । राम्रो संस्कारको शुरुवात भएको भन्दै उनीहरुको प्रशंसा गरेका हुन् ।