ओखलढुंगा: शनिबार मात्रै थपिए ५० जना, कूल संक्रमित २६२ कुन तहमा कति ?

नागरिक खबरदाता

२०७८ जेष्ठ ८, शनिबार मा प्रकाशित ३ साल अघि

ओखलढुंगा- जिल्लामा आज शनिबार ५० जना कोरोना संक्रमित थपिएका छन् । यससँगै कुल संक्रमितको संख्या २ सय ६२ पुगेको छ ।

स्वास्थ्य कार्यालयका प्रमुख सुमन तिवारीले दिएको जानकारी अनुसार पीसीआर परीक्षणबाट आज ४६ जनामा र एन्टिजेन परीक्षणबाट ४ जनामा संक्रमण पुष्टि भएको हो ।

जसमा पीसीआर परीक्षणबाट पुष्टि भएका मोलुङका २२ जना, सुनकोसीका १८ जना र सिद्धिचरण नगरपालिकाका ६ जना रहेका छन् । यस्तै खिजीदेम्बामा गरिएको एन्टिजेन परीक्षणबाट ४ जना थपिएका छन् ।