नेपालमा कोरोनाबाट ४ हजार ८५६ को मृत्यु

नागरिक मिडिया

२०७८ जेष्ठ १, शनिबार मा प्रकाशित ३ साल अघि

काठमाडौँ – नेपालमा कोरोना भाइरस संक्रमणबाट मृत्यु हुनेको संख्या ४ हजार ८५६ पुगेको छ । स्वास्थ्य तथा जनसंख्या मन्त्रालयले शनिबार दिएको विवरण अनुसार देशभर हालसम्म मृत्यु हुनेको संख्या ४ हजार ८५६ पुगेको हो ।

२४ घण्टाको विवरण सार्वजनिक गर्ने क्रममा नेपाली सेनाले व्यवस्थापन गरेको शवसहित १८७ जनाको निधन भएको मन्त्रालयको तथ्यांकमा उल्लेख छ ।

२४ घण्टामा देशभर ८ हजार ४६ जनामा कोरोना संक्रमण पुष्टि भएको छ । हालसम्म नेपालमा कोरोना संक्रमितको संख्या ४ लाख ४७ हजार ७०४ पुगेको छ । यस्तै २४ घण्टामा ५ हजार ४५५ जना कोरोना संक्रमणमुक्त भएका छन् ।