२०७८ बैशाख २८, मंगलबार | Tue, 11, May, 2021

एमाले छाडेर कांग्रेस पसेका सांसदलाई माओवादी नेताले किन लगाए खादा, काे हुन् उनी ?

  • २०७८ बैशाख २०, सोमबार मा प्रकाशित १ हफ्ता अघि
  • ओखलढुंगा- नेकपा एमाले कपिलवस्तुका सांसद दीर्घनारायण पाण्डे आइतबार बिहान नेकपा (एमाले)को लुम्बिनी संसदीय दलको बैठकमा सहभागी भए । दिउँसो उनले एमालेमात्रै छाडेनन् सांसद पदबाट पनि राजीनामा दिए ।

    राजीनामा स्वीकृत भएपछि साेमबार उनी नेपाली कांग्रेसमा प्रवेश गरे । कांग्रेसबाट नै राजनीति शुरु गरेका उनी २०७४ सालको निर्वाचनमा टिकट नपाएपछि एमाले प्रवेश गरेर सूर्य चिन्ह लिएर चुनाव जितेका थिए । कपिलवस्तु क्षेत्र नम्बर २ ‘ख’ बाट प्रदेशसभा सदस्यमा उनी निर्वाचित भएका हुन् ।

    आइतबार लुम्बिनी प्रदेशको मुख्यमन्त्रीमा शंकर पोखरेल दोहोरिएपछि असन्तुष्टि जनाउँदै पाण्डेयले राजीनामा दिएका थिए । सोमबार बुटवलमा पत्रकार सम्मेलन गरेरै उनी कांग्रेस प्रवेश गरेको जनाए। उनलाई नेपाली कांग्रेस मात्रै होइन, माओवादी केन्द्रका नेता एवम् विपक्षी गठबन्धनका तर्फबाट मुख्यमन्त्री प्रस्तावित कुलप्रसाद केसीले समेत स्वागत गरे।

    उनलाई जेठ ६ मा हुने राष्ट्रिय सभा सदस्यमा उम्मेदवार बनाइने छ । माओवादीकाबाट राष्ट्रिय सभा सदस्य बनेका अर्घाखाँचीका चन्द्रबहादुर खड्कालाई कारबाही गरेपछि खाली रहेको सो पदमा उपनिर्वाचन हुँदैछ ।

    उपनिर्वाचनमा उनलाई विपक्षी गठबन्धनबाट साझा उम्मेदवार बनाउने सहमति भएको कांग्रेसका प्रमुख सचेतक फकरूद्दिन खानले बताए ।

    प्रतिक्रिया दिनुहोस