मेयर नै काेराेना संक्रमित भएपछि……

सांकेतिक तस्वीर

नागरिक मिडिया

२०७७ श्रावण १५, बिहिबार मा प्रकाशित ४ साल अघि

काठमाडौ-  मेयरलाई काेराेना संक्रमण भएपछि नगरबासी आतंकित बनेका छन् । मेयर संक्रमित हुँदा संक्रमण समुदायमा फैलिइसकेकाे भन्दै नगरबासी त्राहीमाम् बनेका हुन् ।

वीरगन्ज महानगरपलिकाका मेयर विजय सरावगीलाई कोरोना संक्रमण पुष्टि भएको  हाे । सरावगीले विहिबारसाँझ फेसबुकमा स्टाटस लेख्दै आफूलाई  कोरोना भाइरसको संक्रमण पुष्टि भएको बताएका छन्।

‘तपाईंहरूको सेवामा अनवरत रूपमा लाग्दा लाग्दै म स्वयं कोरोना संक्रमणको चपेटामा परेको छु। म अहिले उपचारार्थ छु। मेरो स्वास्थ्य अवस्था सामान्य छ। मैले छिट्टै नै कोरोनालाई जित्नेछु,’ मेयर सरावगीले फेसबुकमा लेखेको लामो स्टाटसमा भनेका छन्।

उनी चार दिनअघि काठमाडौं आएका थिए। काठमाडौंमा स्वाब परिक्षण गर्दा बिहीबार बिहान उनको कोरोनाको रिपोर्ट पोजेटिभ आएको हो।

सरावगीले आफ्नो फेसबुकमा वीरगन्जमा समुदाय स्तरमा कोरोना फैलिएको समेत बताए । उनले वीरगन्जमा संक्रमण नियन्त्रण गर्न अग्रमोर्चामा खटिएका स्वास्थ्यकर्मी, जनप्रतिनिधि, कर्मचारी, नागरिक समाज, स्थानीय प्रशासन र सुरक्षाकर्मी सबैलाई धन्यवाद दिए ।