खेलकुद विधेयक प्रमाणीकरण

विधेयक प्रमाणित गर्दै राष्ट्रपति भण्डारी । तस्बीर: साभार

नागरिक मिडिया

२०७७ अषाढ ११, बिहिबार मा प्रकाशित ४ साल अघि

काठमाडौं- खेलकूद विकाससम्बन्धी कानूनलाई संशोधन र एकीकरण गर्न बनेको विधेयक राष्ट‍्रपति विद्यादेवी भण्डारीले बिहीबार प्रमाणीकरण गरेकी छन् ।

संघीय संसद्को दुवै सदनको बैठकबाट पारित भई प्रमाणीकरणका लागि पेश भएको विधेयक नेपालको संविधानको धारा ११३ को उपधारा २ बमोजिम राष्ट्रपतिबाट प्रमाणीकरण भएको राष्ट्रपति कार्यालयले जनाएको छ ।

खेलकूद विकाससम्बन्धी कानूनलाई संशोधन र एकीकरण गर्न बनेको विधेयकसंगै राष्ट्रपतिले शिक्षासम्बन्धी केही नेपाल ऐन संशोधन गर्न विधेयक एवं रेडियोधर्मी पदार्थको उपयोग तथा नियमन सम्बन्धमा व्यवस्था गर्न बनेको विधेयक पनि प्रमाणीकरण गरेकी छन् ।

-अनलाइन खबरबाट